Безнең турында онытмагыз

Махсус хәрби операция барган зонадан кыска ялга кайткан Орнашбаш егете Раят, Арчадан Айдар, Арча станциясеннән Илгиз белән очраштык. “Анда булган һәр кешене шулай кыска ялга кайтарачаклар”, – диде Илгиз. Егетләр район биргән “УАЗ” машинасы белән китәчәкләр. Машинаны егетләргә район башлыгы Илшат Нуриев тапшырды.

– Исән-сау кайтыгыз. Сез гаиләләрегезгә, безгә бик кирәк, – диде ул.

– Кирәкмәгән җиргә кысылмагыз. Әти-әниләрегез, хатыннарыгыз, балаларыгыз өчен үзегезне саклагыз, – дип өстәде әфган сугышында булган Илнур Яруллин.

– Сез дә безнең турында онытмагыз. Сезнең ярдәмегезне тоеп, теләкләрегезне ишетү безгә көч-куәт, яшәү дәрте бирә. Җиңеп кайтырбыз, Алла боерса, – диде Илгиз.