Яшь баланы ялгыз үзен генә калдырмагыз

"Яшь баланы игьтибарсыз ялгыз калдырырга ярамый, - диде табиб Алсу Альбертовна. - Хәвеф хәтәрләр, имгәнүләр булып тора. Баланы үзенең караватында йоклатырга кирәк. Аркасына яткырырга. Караватның кырыйларына бернәрсә дә куймаска. Ана баланы утырып имезергә тиеш. Йоклап китеп, күкрәге белән баланы каплау куркынычы бар. Ана сөтеннән дә кыйммәтле ризык юк бала өчен. Бала идәнгә төшерелгәч, кер юу порошокларын, савыт-саба юу сыеклыкларын, уксус кебек әйберләрне, даруларны ерак яшерергә кирәк. Кайнар суга пешү куркынычы да бар. Шуңа күрә балага бик игьтибарлы булырга кирәк. Аталарга да хатыннарына-аналарга ярдәмчел, игьтибарлы булырга. Бала табу үзе бер стресс ул. Өйдә яшь баланы карау, ашарга пешерү, өй эшләре - яшь ана өчен авыр мәшәкатьләр. Әле аның төне дә бар. Шуңа күрә әтиләргә аналарга булышырга, төнлә дә торырга, хатыны вакытында ашаганмы-юкмы - шулай ук моңа игьтибар итәргә кирәк. Ана сөтенең сыйфатлы булуы мөһим. Ә ул нинди ризыклар һәм вакытында ашауга бәйле ".