Ишегалларын бизәгән идегезме? Бәйгедә катнаша аласыз

«Татар-информ» мәгълумат агентлыгы  «Ә безнең ишегалдында – 2026» кышкы ишегалларын бизәү бәйгесен игълан итә.

Бәйгедә Татарстанда яшәүчеләр — шәхси һәм күпфатирлы йортлар халкы катнаша ала.

 Максаты — иҗади инициативаны хуплау, күршелекне ныгыту һәм ишегалларында бәйрәм рухы тудыру.

Катнашу өчен бәйрәмчә бизәлгән ишегалдының фото һәм/яки видеосын әзерләп, кыскача тасвирлама, торак пункт һәм районны күрсәтеп, эшне «ВКонтакте»дагы шәхси биттә #аунасводворе2026 хештегы белән урнаштырырга кирәк. Катнашучының бите ачык булырга тиеш, бер кеше бер генә эш тәкъдим итә ала.

Гаризалар 20–25 гыйнварда кабул ителә.

Тавыш бирү «Татар-информ» сайтында ике этапта узачак: 28 гыйнвар – 1 февраль һәм 3–8 февраль.

Нәтиҗәләр 10 февральдә игълан ителәчәк. Җиңүчеләр акчалата призлар алачак.

Чыганак: «Татар информ»