Коронавирус эпидемиясенең иң югары ноктасы якыная дип фаразлана

Россия коронавирус эпидемиясенең иң югары ноктасына 21 яки 22 декабрьдә якынаячак. Илдә Covid-19 белән бер үк вакытта авыручылар саны 514-517 мең кеше тәшкил итәргә мөмкин. Санкт-Петербург дәүләт университетының Интеллектуаль логистика үзәге тикшеренүчеләре шундый нәтиҗәгә килгән. Бу хакта «Известия» газетасы яза.

Соңгы ике атнада Россиядә коронавирус инфекциясе йоктыруның 24 һәм 27 мең очрагы теркәлә. Җиде-ун көн дәвамында шундый үсеш дәрәҗәсе сакланган хәлдә һәм алга таба акрынлап кими барган очракта актив очракларның максималь саны декабрьнең 21 яки 22сенә туры киләчәк, дип искәртә галимнәр.

Татар-информ: https://tatar-inform.tatar/news/health/07-12-2020/rossiyad-koronavirus-epidemiyasene-kaychan-i-yugary-noktasyna-it-ch-gen-farazladylar-5790714