Әңгәмәдәшебез – “Россельхознадзор”ның Татарстан Республикасы буенча дәүләт инспекторы Ленар Сабиров.
– Ленар Исрафилович, күрше төбәкләрдә кош гриппы ачыклануы турында шомлы хәбәрләр килә.
– Әйе, Самара, Саратов өлкәләрендә, Башкортстанның Туймазы районында карантин игълан ителде. Бездә дә саклык чаралары күрелә.
– Саклык чаралары нидән гыйбарәт?
– Беренче чиратта йорт кошларын (каз, үрдәк, тавык) чыгарып йөртмәскә. Алар кыргый кошлар белән аралашырга тиеш түгел. Шулай ук читтән йорт кошлары, азык алып кайтканда барлык ветеринария документлары тәртиптә булырга тиеш.
– Бездә тиешленең киресен эшләүчеләр дә бар. Әгәр йорт кошларын чыгарып йөртүне дәвам итсәләр?
– Беренче очракта аңлатабыз, кисәтәбез. Алай да аңларга теләмәсәләр, беркетмә төзибез. Бу мәсьәләне җирлекләр контрольдә тотарга тиеш, 89393825699 номеры белән миңа шалтыратырга да була!
Нет комментариев