Райондагы торак-коммуналь хуҗалыгы хезмәткәрләрен һөнәри бәйрәмнәре белән котлыйбыз!

Ел саен мартның өченче якшәмбесендә торак-коммуналь хуҗалыгы хезмәткәрләре үзләренең һөнәри бәйрәмнәрен билгеләп үтә. Быел ул 20 мартка туры килә.

Торак-коммуналь хуҗалыгы хезмәткәрләренең хезмәте күп вакыт күренми дә. Тик алар  район халкының көнкүрешен яхшырту буенча зур эш башкара. Район предприятиеләрен җылылык белән тәэмин итү, районны су белән тәэмин итү, көнкүрештәге калдык суларны чистарту – алар башкарган эшнең бер өлеше генә. Аларның эш сәгате күпләр йокыдан торганчы ук башлана. Ишегалды себерүчеләр, җыештыручылар, слесарьлар, сантехниклардан башка тормышыбызны күз алдына китерүе дә кыен.

 Һөнәри бәйрәмегез белән, хөрмәтле торак-коммуналь җуҗалыгы хезмәткәрләре! Авыр һәм кирәкле хезмәтегездә уңышлар телибез сезгә!