Арча яңалыклары

Сөрде мәдәният йорты яңартылган. Вак-төяк эшләр генә калган

Румия Надршина, 16 сентябрь 2023 - 11:52

577

Район иҗтимагый советының (җитәкчесе Надия Мифтахетдинова) күчмә утырышы булды.

❮ ❯

Сөрде мәдәният йорты яңартылган. Вак-төяк эшләр генә калган

Иң беренче Сөрде авылында яңартылган, ныклап төзекләндерелгән Сөрде мәдәният йорты белән таныштылар. Яңа Кенәр авыл җирлеге башлагы Әгьзәм Әдһәмович: "1985 елда төзелгән бина бу, - дип сөйләде. - Түшәме, түбәсе беткән иде инде. Су үтә иде. Ә хәзер үзегез күрәсез, ремонтчылар ничек яхшы итеп яңарттылар, ныклап төзекләндерделәр". Дөрестән дә, мәдәният йорты бик матур булган. Түбәсе, түшәме, идәне, сәхнәсе, тәрәзәләре, баскычлары, бәдрәфләре, бүлмәләре өр-яңадан эшләнгән. Бар да заманча, матур. Мөмкинлекләре чикләнгәннәргә уңайлыклар белән аерым бәдрәф. Озак еллар халыкка хезмәт итәргә язсын.