Судьялар да ярыша

Сабада “Саба–Арена” спорт комплексында өстәл теннисы буенча ярышлар булды. 
Турнир Россия Федерациясе Югары Судына – 100 ел, Россия Федерациясе һәм Татарстан Республикасы Судьялар Советына 30 ел тулу уңаеннан оештырылды. Турнир тантаналы шартларда ачылды. Ярышларны Татарстан Республикасы Югары Суды рәисе Илгиз Гыйлаҗев ачып җибәрде.
 Ярышта катнашучылар аерым командалар булып тупландылар. Безнең Арча районы суды рәисе Марс Миндубаев катнашындагы команда ярышта җиңеп чыкты. Командада  Минзәлә районы судының отставкадагы рәисе Фәния Григорьева, Алабуганың 4нче суд  участогы җәмәгать суды судьясы Ринат Рәхимов та бар иде. Команда беренче урынны алды.