Татарстан синоптиклары кырау төшү сәбәпле кисәтү игълан итте

13 июньгә каршы төндә Татарстан территориясендә урыны белән һавада һәм туфракта 0 градустан -1 градуска кадәр кырау көтелә. ТР Гидрометеорология һәм әйләнә-тирә мохитне күзәтү идарәсе әлеге уңайдан кисәтү игълан итте.

Шул ук вакытта, элегрәк метеорологлар 12 июньгә каршы төндә генә туфракта бераз кырау күзәтелергә мөмкин дип фаразлаган иде. Аларның фаразлавынча, 13 июньгә каршы төндә һава температурасы +2..+7, ә республиканың көнбатышында +10 градус тәшкил итәчәк.

Реклама

Синоптикларның якынча мәгълүматлары буенча, 12 июньдә көндезге сәгатьләрдә һава температурасы +14..+19, ә 13 июньдә +17..+22 градус була. Хәзер төбәктә һава температурасы +13,7 градустан («Саба» метеостанциясе) +17,2 градуска («Чулпан» метеостанциясе) кадәр тәшкил итә.

https://tatar-inform.tatar/news/tatarstan-sinoptiklary-kyrau-tosu-sabaple-kisatu-iglan-itte-5872261