Арча яңалыклары
ТР Мәгариф һәм фән министрлыгында җәйге каникулларның кайчан башланасын әйттеләр
1, 9, 11 сыйныф укучылары 24 майга, калган сыйныфлар 31 майга кадәр укый.
Әти-әниләрнең һәм укучыларның күпсанлы мөрәҗәгатьлшрен исәпкә алып, Татарстан Мәгариф һәм фән министрлыгында укучыларның җәйге каникулга кайчан китәчен хәбәр иттеләр.
Министрлыкта хәбәр итүләренчә, 1, 9, һәм 11 сыйныф укучылары өчен уку елы 24 майда тәмамланачак. Беренче сыйныфлар 25 майдан җәйге каникулларга китсә, чыгарылыш сыйныф укучылары өчен бу көнне “урак өсте” – имтиханнар башлана. 25 майда рспубликабыз мәктәпләрендә чыгарылыш сыйныф укучылары өчен соңгы кыңгырау чыңлаячак.
Калган сыйныфлар өчен уку 31 майга кадәр дәвам итеп, җәйге каникуллар 1нче июньдә башланачак.
Шулай ук Мәгариф һәм фән министрлыгында чыгарылыш кичәләрен 24нче июньнән соң үткәрергә тәкъдим иттеләр.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев