“Заря“дан башладылар

Хуҗалыкта язгы кыр эшләрендә катнашачак техника тулы әзерлектә инде. Моның шулай икәнлеген “Гостехнадзор“ның Арча районы буенча баш дәүләт инженеры-инспекторы Габделхак Касыймов та раслап тора.

– 25 мартта әлеге хуҗалыкта техник-карау уздырдым, – ди ул. Җитәкче, белгечләр, механизаторлар язгы кыр эшләренә зур җаваплылык белән әзерләнгәннәр, аларга рәхмәттән башка сүз юк. Кайбер хуҗалыклар техник карауны соңгарак күчерик дип ялвара, кайчанга куйсаң да техник карауны барыбер уздырасы. Вакыт җитәрлек булды, озын кышлар узып китте. Бу  мәсьәләдә “Заря“дан үрнәк алу зыян итмәс иде.