Җәмәгать транспортына юл бирмәгән машина йөртүчегә штраф салырга мөмкиннәр

Тукталыш урыныннан китә торган җәмәгать транспортына юл бирмәгән машина йөртүчегә штраф салырга мөмкиннәр. Бу хакта «Татар-информ»га автоюрист Лев Воропаев хәбәр итте.

«Әгәр сез торак пункттагы тукталыштан китүче автобуска юл бирмәгән булсагыз, штраф 500 сум тәшкил итәчәк», - диде агентлык әңгәмәдәше.

Ул билгеләп үткәнчә, мондый хокук бозу өчен җаваплылык РФ Административ хокук бозулар кодексының 12.17 маддәсенең 1 өлешендә каралган («Маршрут транспорт чарасына яки махсус яктылык һәм тавыш сигналлары кабызылган транспорт чарасына хәрәкәттә өстенлек бирмәү»).

Чыганак: Татар-информ