Этләр һөҗүме корбаны булган кыз үлеменнән соң: Останина фикере

Дәүләт Думасының гаиләне яклау, ата, ана һәм балачак мәсьәләләре комитеты башлыгы Нина Останина Яшел Үзән районының Васильево бистәсендә этләр һөҗүменнән соң тугыз яшьлек кызның үлемен шәрехләп, «Татар-информ» га шундый фикер белән уртаклашты.

Останина ассызыклаганча, мондый ситуацияләрдә сүз законнарны үзгәртү турында түгел, ә хайваннарны тоту өчен җаваплы хакимият органнарына һәм подряд оешмаларына таләпләрне көчәйтү турында барырга тиеш.

Ул Россиянең 29 төбәгендә күзәтүчесез хайваннарны кире кайтарылмаслык аулау турында кануннар кабул ителүен билгеләп үтте. Аның фикеренчә, мондый чараны бөтен илгә таратырга кирәк.

Комитет башлыгы белдергәнчә, Дәүләт Думасында хайваннар белән эш итү өлкәсен җайга салуга юнәлдерелгән 22 закон проекты әзерләгән эшче төркем булдырылган. Аларның сигезе, барлык йорт хайваннарын мәҗбүри теркәү һәм маркировкалау турындагы инициативаларны да кертеп, парламентка кертелгән инде. Аның сүзләренчә, бу кануннарны кабул итү гыйнвар аенда планлаштырыла.