Язгы каникул хәвеф-хәтәрсез үтсен

2024 елның ике аенда гына да республика юлларында 16 яшькә кадәрге балалар катнашында 56 юл-транспорт һәлакәте теркәлде. Шуларда ике бала һәлак булып, 60 бала төрле авырлыктагы тән җәрәхәте алды. Җәяүле балалар катнашындагы юл һәлакәтләрендә 29 бала зыян күрде.  Каникуллар вакытында балаларга сак, әти-әниләргә аеруча игътибарлы булырга кирәк. Бу көннәрдә ЮХИДИ хезмәткәрләре тарафыннан рейдлар үткәреләчәк. Машина салонында балаларны махсус креслосыз йөртүчеләр, шулай ук юл хәрәкәте кагыйдәләрен бозган җәяүле балалар да игътибар үзәгендә булачак.