Имтиханнар вакыты үзгәрәме?

БДИның төп чоры расписаниесе расланган. Имтиханнар вакыты үзгәрми. 

26 май – география, әдәбият, химия;
29 май – рус теле;
1 июнь – математика (база, профиль);
5 июнь – тарих, физика;
8 июнь – җәмгыять белеме;
13 июнь – чит тел язма өлеш, биология;
16 һәм 17 июнь – чит тел (телдән тапшыру өлеше);
19 һәм 20 июньдә информатика һәм мәгълүмати коммуникацион технологияләр (ИКТ).

22 июньнән 1 июльгә кадәр резерв срокларда имтиханнарга узган елгы чыгарылыш укучылары тапшыра ала. Шулай ук ике мәҗбүри фәннең берсе буенча канәгатьләнерлек нәтиҗә алмаган яки документаль рәвештә расланган җитди сәбәпләр аркасында имтиханны калдырган быелгы чыгарылыш укучылары да кертелә.
Ел саен БДИ тапшыруның төп чорының соңгы көне «бердәм резерв көне» булып тора. 1 июльдә теләсә кайсы фән буенча имтихан тапшырырга мөмкин.

Чыганак: Шәһри Казан