Татарстан территориясендә һәм Казанда бозлавык көтелә
Синоптиклар бозлавык һәм көчле җил турында кисәтә
18 ноябрьдә төнлә һәм иртән Татарстан территориясендә һәм Казанда бозлавык көтелә. Бу хакта ТР Гидрометеорология үзәге хәбәр итә.
Көндез 15-20 м/с тизлектәге көчле җил булыр дип фаразлана.
Россия Гадәттән тыш хәлләр министрлыгының ТР буенча Баш идарәсе республика халкын бик сак булырга чакыра.
Машина йөртүчеләргә дистанцияне сакларга, кискен маневрлар ясамаска һәм күрү сәләте начарланганда аеруча игътибарлы булырга кирәк.
Гадәттән тыш хәл килеп чыккан очракта кичекмәстән ашыгыч ярдәм телефоннары аша мөрәҗәгать итегез, диелә хәбәрдә.
Чыганак: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев