erid:LgsiSnffX
Арча хэбэрлэрэ (Арский вестник)

Арча районы

18+
Рус Тат
2024 - Гаилә елы
Файдалы киңәшләр

Киңәшләр артык булмый: кәтлит ясау серләре

«Аның нинди авырлыгы булсын инде – кәтлитне кем пешерә белми?!» – дияргә ашыкмагыз. Башта укып, танышып чыгыгыз әле. Һәр хуҗабикәнең үз сере – арада сез белмәгәннәре дә булуы бар. Киңәшләрнең кайберләре – атаклы аш-су осталарыннан: аларныкына бигрәк тә колак салсаң ярый. Камиллекнең чиге юк бит!

* Берничә төрле ит кушсаң, кәтлитләр тәмлерәк килеп чыга. Әйтик: сыер, сарык, тавык һәм күркә итен алыгыз – тәҗрибәләр ясаудан курыкмагыз. Барысын берьюлы кушарга дигән сүз түгел бу, кимендә ике төрле иттән ясагыз. 

* Өйдә әзерләнгән фарштан, әлбәттә, кәтлитләр тәмлерәк булачак. Ышанычлырак та: кибеттән яки базардан алган очракта аның нинди иттән ясалганын белмибез бит. Шуңа күрә үз кулларыгыз белән ит тарттыру өчен киткән вакытны жәлләмәгез. 

* Кәтлит өчен итне иттарткычтан ике тапкыр чыгартып алсаң әйбәтрәк.  

* Күпләр фаршка сөт кушабыз, диләр. Аш-су осталары исә сөт урынына кайнаган җылы су өстәсәң әйбәтрәк, диләр. 

* Кәтлитләр тәмле килеп чыгуның тагын бер сере – фаршка йомырканың сарысын гына өстәргә кирәк. Агы белән бергә кушсаң, кәтлитләр корырак була. 

* Суганны никадәр күбрәк кушасың – кәтлитләр шуның кадәр тәмлерәк килеп чыга. Шуның өчен: «Суганым күбрәк булды бугай», – дип, беркайчан борчылмагыз.

* Кемдер кәтлиткә дигән иткә суганны иттарткыч аша чыгарганда ук куша. Әмма суганны вак кына итеп турап кушсагыз, аермасын сизми калмассыз. 

* Күп хуҗабикәләр фаршка тозны итне иттарткычтан чыгаруга кушалар. Ашыкмагыз! Тозны кәтлитләрне әвәләр алдыннан гына өстәгез: кәтлитләрнең йомшак булу-булмавы моңа да бәйле.  

* Фаршка ипи кушу мәҗбүри түгел, диләр аш-су осталары, аны теләсә нинди яшелчә белән алыштырырга тәкъдим итәләр: мәсәлән, кәбестә, бәрәңге, кишер белән. Әгәр инде ипи кушарга уйлагансыз икән, аны сөттә түгел, ә кайнаган җылы суда җебетегез: сөт кулланганда кәтлитләр корырак килеп чыга.

* Кайбер аш-су осталары кәтлиткә дигән иткә уып алма да салалар. Ясап карагыз, бәлки алманың әчкелтем тәме сезгә дә ошар.

Реклама
erid:2Vtzqwy9AuJ erid:2Vtzqwy9AuJ

* Кәтлитне кара борыч кушмыйча ясамыйлар, ә менә сарымсак, башка тәмләткечләр кушаргамы-юкмы икәнен һәр хуҗабикә үзе хәл итә.

* Кәтлитләр сусылрак булсын өчен, кайбер хуҗабикәләр аңа аз гына сыер мае, майонез яки куе каймак та өстиләр. Гаиләгез ничек ярата – монысын шулай эшләгез. 

* Кәтлитләрне бары тик кызган майда гына кыздырырга икәнен бөтен хуҗабикә дә беләдер инде?

* Әгәр сезгә ошый икән, панировка өчен төелгән сухари яки он кулланырга мөмкин: бу очракта кәтлиләрнең эче сусылрак, тәмлерәк килеп чыгачак.

* Фарш кулга ябышмасын өчен, әвәләр алдыннан кулларны юешләп алырга кирәк. 

* Кәтлитләрне юеш кул белән әвәләп, шундук кызган табага салырга да була. 

 * Әвәләгәннән соң кәтлитләрне күпертелгән йомырка агына манып алсаң, алар тагын да тәмлерәк булачак. 

* Бер ягын кыздырып алып, икенче ягын әйләндергәч, табаның капкачын ябарга да мөмкин. 

 

Чыганак: Сөембикә

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X