“Аэрофлот” COVID-19дан прививка ясаткан пассажирларга бонуслы мильләр күчерә

Авиакомпания сайтында әйтелгәнчә, "Вакцинация мильләре" программасы 2021 елның 15 маеннан 31 декабренә кадәр яки мильләр лимиты беткәнче дәвам итәчәк, дип яза Российская газета.  

“Вакцинация ясауга этәргеч бирү – ул безнең һава очышын тулысынча торгызуга керткән өлешебез”, – диде “Аэрофлот” генераль директоры Михаил Полубояринов. Аның сүзләренчә, авиакомпания киләчәктә дә пассажирлар һәм хезмәткәрләрнең сәламәтлеген саклауга үз өлешен кертергә уйлый.

Акция башлангач пассажирларга вакцинациянең беренче этабын узарга кирәк була, программада катнашу өчен вакцинацияне тулысынча узарга кирәк. Прививкадан соң Дәүләт хезмәтләре порталыннан QR-кодлы сертификат һәм кул куелган шәхси мәгълүматны эшкәртүгә ризалык чыгарып алырга кирәк була. Әлеге документларны очыш алдыннан “Аэрофлот”ның сату офисларында яки авиакомпания сайтында электрон рәвештә бирергә кирәк. Билет алган вакытта катнашучының номерын броньга кертәсе. Очыштан соң мильләр автомат рәвештә шәхси счетка күчә.