Арчада нинди балалар лагерьлары эшләячәк?

Районның балигъ булмаган балалар комиссиясе утырышында район мәгариф идарәсе методисты Лия Ильина бу турыда хәбәр итте. Июльдә "Без -- Тукай оныклары" палаткалы лагерь ачылачак. Бер атналык лагерь ул. Арча педагогика көллияте базасында булачак. Башка елларда анда 200ләп бала ял итсә, быел 100 бала ял итәчәк. 

"Шатлык" лагере быел эшләмәячәк. Моңарчы Шушмабаш мәктәбе базасында эшләгән палаткалы лагерь да быел ачылмаячак.

Ә менә мәктәп яны лагерьлары 3 августтан эшли башлаячак.