Министр урынбасары хөкем ителде

Уфаның Киров район суды Башкортстанның элекке җир һәм милек мөнәсәбәтләре министры урынбасары Илнур Әбсәләмовны өч елга шартлы рәвештә ирегеннән мәхрүм итте. Ул Самараның "ВолгоНИИгипроз" компаниясеннән 3 миллион сум ришвәт алырга, караклык кылырга омтылышы өчен гаепле дип табылган.
Элекке түрәнең эше судта аерым тәртиптә ике атна эчендә каралган, чөнки ул гаебен тулысынча таныган. Суд шулай ук Илнур Әбсәләмовка 200 мең сум күләмендә штраф билгеләде һәм аны бер елга дәүләт органнарында эшләү хокукыннан мәхрүм итте, дип хәбәр иттеләр "Ъ-Уфа"га республика судларының берләштерелгән матбугат хезмәтендә.
Илнур Әбсәләмов 2015-19 елларда министр урынбасары вазыйфасын биләгән, 2019 елның апрелендә Башкортстан Хөкүмәте аппаратының икътисади үсеш департаментын җитәкли. 2019 елның декабрендә УФСБ хезмәткәрләре аны, хәбәр ителгәнчә, "ВолгоНИИгипроз" вәкиленнән зур суммада ришвәт алганда тотканнар. Эшне тикшерү барышында гаепләү составы үзгәртелә: эшне «караклык омтылышы» дип квалификациялиләр (җиде ел ярымга кадәр иректән мәхрүм итүне күздә тота). Тикшерүче хөкүмәттә югары вазыйфада эшләүче элеккеге министр урынбасары инде подряд оешмасына карата министрлык карарына йогынты ясый алмаган, ә бары тик үзләштерү өчен акча таләп иткән, дигән нәтиҗәгә килгән.

Фото: ТАСС.

https://kiziltan.rbsmi.ru/articles/khokuk/Ministr-urinbasari-h-kem-itelde-319163/