Яңалыклар
Россиядә эчкечелектән коткарырга ярдәм итәрдәй препарат теркәлгән
Россиядә хәмергә бәйлелектән коткаруга юнәлдерелгән препарат теркәлгән. Үзебездә җитештерелгән тәүге шундый дару бу. Мәскәү дәүләт психология-педагогика университеты профессоры, клиник психолог Ольга Рычкова “КП” хәбәрчесе белән әңгәмәсендә белдергәнчә, әлеге препарат “опиодлы рецепторларны томалаучы”лар классына керә ("Ватаным Татарстан").
Алар фармакологлар, наркологларга узган гасырның 70 нче елларыннан ук мәгълүм икән инде. Моңарчы мондый препаратны чит илләр компанияләре генә җитештергән. Ул, чыннан да, кешене хәмергә бәйлелектән коткаруга ярдәм итә. Әмма даруны, дәвалау планында каралганча, бик төгәл һәм системалы төстә кулланырга кирәк.
Шунысы да бар: табиб әйтүенчә, эчкечелеккә сабышкан кешене дару кулланырга мәҗбүр итү өчен махсус психотерапия технологияләре кирәк. Хәтта иң “дөрес” һәм иң “уникаль” даруның да бары тик шулай гына уңай нәтиҗәсе булырга мөмкин.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев