Быел премия 38 номинация буенча тапшырылачак. Алар арасында «Пилотсыз системалар», «Традицион һөнәрчелек», «СВОй бизнес», «Автобизнес», «Креатив индустрия», «Массакүләм мәгълүмат чаралары» һәм «Эчке туризмны үстерү» кебек яңа юнәлешләр бар. Катнашучыларны бәйсез жюри алты күрсәткеч буенча бәяләячәк: икътисади үсеш, танылу, инновацияләр, сату нәтиҗәлелеге, социаль җаваплылык һәм идарә итү компетенцияләре. Шулай ук «Ел ачышы» һәм «Йөрәктән чыккан бизнес» махсус номинацияләре дә каралган.

Премиянең максаты — төбәк брендларын таныту, продукцияне тышкы базарларга чыгару һәм нәтиҗәле эш тәҗрибәсен хуплау. Гаризалар премиянең рәсми платформасында 15 ноябрьгә кадәр кабул ителә. Җиңүчеләрнең исемнәре 2027 елның маенда игълан ителәчәк. Узган ел конкурста Россиянең 77 төбәгеннән эшмәкәрләр катнашкан: оештыручылар 646 гариза кабул иткән, абсолют җиңүчеләргә 36 статуэтка, ә лауреатларга 105 медаль тапшырылган.