Язмышлар...
Кисеп алынган кебек: яртылаш өй тарихы
Яшел Үзән районы Большие Ключи авылында шушындый яртылаш йортта яшәп яталар ("Шәһри Казан").
Аның хуҗасы - Камил Гыйззәтуллин, бүген анда үзенең икенче хатыны белән гомер кичерә. 15 еллар элек янында кирпечтән йорт төзи башлый, әмма мөмкинлеге булмаганлыктан эш туктатыла. Өстәвенә 2017 елда авариягә эләккәч, инвалид кала, табиблар аны көчкә үлемнән коткара. Беренче хатыннан булган улы белән кызы бар, тик алар әтиләрен килеп караганнары да юк.
Әлеге 1961 елгы өй ике гаиләгә исәпләнгән булган. Уң яктагы күршесе Шәүкәт Галимов 14-15 ел элек яңа йорт торгызып чыга. Бүген өендә генә ята, йөри алмый, Камил кебек үк инвалид, янында малае гына бар. Әле Әфган сугышы ветераны да икән. Ә инде элек яшәгән йортның яртысын яңа йортны төзер өчен җир җитсенгә кисеп алган. Дөрес, күршесе Камил салкынлыктан интекмәсен өчен үзенең ягындагы стенасын җылытып тышлап куйган.
Менә шундый аянычлы бер йорт тарихы.
Рәсим Хаҗиев
Тулырак: http://shahrikazan.ru/news/t%D3%A9rlese/kisep-alyngan-kebek-yartylash-y-tarikhy
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Комментарии
0
0
Терле шул язмышлар... Арчада Большая урамында иске ярты йорт ничэ еллар инде монаеп басып тора. Анын хужалары ятим кыз белэн малай. Ни эчен аларга фатир биреп, бу йортны сутмилэр икэн?
0
0